Sial banar nasib Ni Putu Melisa Jayanti (18), binian nang bagana di RT 02 Desa Wanasari Sungai Loban ngini taranjah Mutur Taruntun, Arba (25/10/23) di Jalan Raya Propinsi.
Maraga Ni Putu Melisa Jayanti ngini babiluk bakajutan di simpang tiga Jalan Raya Propinsi parak klinik di Desa Karang Indah Kecamatan Angsana, inya diranjah Mutur, luka di kapala sampai mambawa umur.
Eko Purwanto, nang bagana di Desa Sumber Baru Angsana, Supir nang mambawa Mutur Taruntun mangaku Takajut, pas inya rahatan asyik manyupir, si Putu Melisa ngini babiluk bakajutan, jadi inya kada sawatan manjajak rem, lalu ai taranjah.
Ujar buhan Pulisi Polres Tanah Bumbu, nang diranjah mulanya dibawa ke Puskesmas Perawatan Angsana, tapi imbahnya tu diangkut lagi ke Rumah Sakit nang ada di Sepunggur ampun Pemarintah Daerah Kabupaten Tanah Bumbu.
"Supir nang Maranjah wan Mutur Taruntun nya, jua Sapida Mutur hunda nang diranjah kami amankan di Polsek Angsana Polres Tanah Bumbu," ujar Kapolres Tanah Bumbu AKBP Tri Hambodo SIK melalui Kasi Humas IPTU Jonser Sinaga. (Red)
Tidak ada komentar:
Posting Komentar
Silakan berkomentar tapi jangan bernuansa SARA.