Linda (30), urang Pasar Lima kikira tinggalam di Sungai Martapura, Banjarmasin Propinsi Kalsel, Kamis (30/11/23).
Patugas Siaga Komunikasi Basarnas Banjarmasin nang manarima lapuran ada urang tinggalam ngini, lakas manurunakan anggota handak manulungi mancari i.
"Ujar urang nang maliat, si Linda ngini hanyut tabawa arus wan sawat bakuciak mainta tulung, kada lawas imbah tu hilang tinggalam," ujar Kepala BASARNAS Banjarmasin, Al Amrad bakisah wan buhan tukang tulis habar.
Imbah dapat habar ujarnya lagi, buhan kami langsungai turunan bacarian diwadah sidin nang dipadahkan tinggalam.
"Pukunya, kami bahimat mancari i pas diperintah kumandan, samunyaan turunan bacarian. Mudahanai sidin lakas tatamu, wan sihat haja kad napa napa," ujar Koordinator Lapangan, Rangga Perana balapur. (Rel)
Tidak ada komentar:
Posting Komentar
Silakan berkomentar tapi jangan bernuansa SARA.